“Letërnjoftimet edhe nëse keni kontrata pune”.. këto janë kërkesat e Policisë e Kosovës, për punonjëset e qendrave të masazhit janë të detyruara ta zbatojnë.
Në bazë të dokumentacionit në këto vende del se punojnë edhe shtetase të Shqipërisë. Jo rrallë herë raportohet se ofrohen edhe shërbime seksuale me pagesë.
Për gjashtë muaj sipas të dhënave zyrtare, Policia e Kosovës ka arrestuar 8 persona për veprën penale, për shërbimet seksuale të viktimës së trafikimit. Përgjatë kësaj periudhe janë evidentuar gjashtë viktima të shfrytëzuara për prostitucion. Sa i përket qendrave të masazhit, nga polica thonë se problem mbeten lejet e punës të cilat u lëshohen pa ndonjë kriter.
“…ne i kemi dërgua shkresë zyrtare Ministrisë së Industrisë, Ndërmarrësi dhe Tregtisë që të merr një hap në aspektin e dhënies së lejes që të rregullohet në aspektin e dhënies së lejes së këtyre qendrave. Kjo sepse mbrapa kësaj legales pa pasur ndonjë kriter për të hapë biznes të tillë, po fshihen lehtë veprat penale”, ka thënë Riza Murati, Policia e Kosovës.
Ndërkohë për trafikim me njerëz Policia për gjashtë muaj ka kryer 102 arrestime. Edhe fëmijët lëmoshë-kërkues janë viktima të identifikuara sipas këtyre të dhënave.
Për periudhën janar-qershor, Policia ka evidentuar vetëm një viktimë të kësaj kategorie. Në mënyrë që të evitohen këto raste Riza Murati nga Drejtoria për Hetimin e Trafikimit me Qenie Njerëzore thotë se kontribut të çmuar mund të japin edhe qytetarët.
“Janë mbajtur ligjërata në mbi 700 xhami të Kosovës që të parandalohet trafikimi në përgjithësi po në veçanti është ligjërua edhe pjesë ku këtyre fëmijëve nuk duhet t’i jepet. Ne qytetarët duhet ti trajtojmë me dinjitet, të ju japim ushqim ose veshmbathje, ujë e gjëra të tjera. Por në asnjë formë nuk duhet që këtyre fëmijëve të ju japim para”, ka shtuar ai.
Për trafikim me qenie njerëzore për Kosovën të mërkurën është publikuar edhe raporti i Departamentit Amerikan të Shtetit. Për Kosovë thuhet e janë identifikuar 22 viktima, prej të cilave 19 ishin viktima të trafikimit seksual dhe tre të lypjes së detyruar.
Në qendrat e masazhit Policia kryen shpesh aksione, por prapë ato janë të pranishme e lehtë të qasshme për cilindo.