Qeveria Kosovës ka njoftuar se ka zhvilluar një mbledhje elektronike, e 225 me radhë në të cilën ka emëruar dy komisione ad hoc.
Sipas njoftimit të Zyrës së Kryeministrit thuhet se është themeluar komisioni ad hoc për vlerësimin profesional për pranim për pozitën e lartë të kategorisë drejtuese, drejtor i përgjithshëm në Akademinë e Kosovës për Siguri Publike.
Gjithashtu thuhet se është formuar edhe komisioni ad hoc për vlerësimin profesional për pranim për pozitën e lartë të kategorisë drejtuese, drejtor ekzekutiv në Agjencinë e Regjistrimit Civil.