Sipas renditjes së Organizatës Botërore Meteorologjike, janë disa qytete, të shpërndara në Amerikën e Veriut dhe Afrikë që konsiderohen si më me diell në botë, bazuar në mesataret e tyre të diellit gjatë një periudhe gati 30 vjeçare.
1.Phoenix, Arizona, SHBA
Phoenix, Arizona, sheh mesatarisht 3 mijë e 872 orë diell në vit. Muaji më i nxehtë i vitit është korriku, me kulmet që arrijnë mesatarisht rreth 42 C, dhe rekord i lartë ishte 50 C në qershor të vitit 1990.
Phoenix është kryeqyteti i Arizonës si dhe qyteti më i madh i tij, me afro 1.5 milionë banorë të regjistruar në regjistrimin e vitit 2010. Është qyteti i gjashtë më i populluar në SHBA dhe kryeqyteti më i populluar i shtetit në vend.
E vendosur në shkretëtirën Sonoran, Phoenix ka një klimë shkretëtirë subtropikale që karakterizohet nga vera jashtëzakonisht të gjata dhe të nxehta dhe dimër të shkurtër e të butë. I njohur si Lugina e Diellit, Phoenix është një nga qytetet më me diell në SHBA, me më shumë ditë që kalojnë 38 C se çdo qytet tjetër.
2.Aswan, Egjipt
Vendi i parë jo-amerikan në listë është Aswan, Egjipt, një qytet me mesatarisht 3,863 orë diell në vit. E vendosur në jug të Egjiptit, në veri të Digave të Aswanit në bregun lindor të Nilit, Aswan është një qytet tregu plot lëvizje dhe një nga qytetet më me diell në botë jashtë SHBA-së.
Aswan u rrit si një vend i rëndësishëm strategjik për Egjiptin, por sot është një vend i qetë që është shumë më pak dërrmuese se ndalesat e tjera turistike të njohura në vend. Aswan ka një klimë shkretëtire subtropikale me temperatura të thata dhe të nxehta gjatë gjithë vitit.
3.Las Vegas, Nevada, SHBA
Kthehemi në SHBA për qytetin tjetër me diell. Edhe pse është i njohur për jetën e tij të natës, Las Vegas ka shumë diell gjatë ditës. Mesatarisht, qyteti ka 3 mijë e 825 orë diell në vit.
Qyteti turistik, më i popullarizuari për destinacionin turistik të Las Vegas Strip, e quan veten Kryeqyteti i Argëtimit të Botës dhe vepron si një lloj oazi në mes të shkretëtirës Mojave, i rrethuar nga të gjitha anët me male të larta.
Peizazhi shkëmbor dhe i thatë ka një klimë shkretëtire subtropikale dhe të nxehtë me diell gjatë gjithë vitit. Çdo vit ka mesatarisht 134 ditë që arrijnë të paktën 32 C dhe 74 ditë të paktën 38 C.
4.Dongola, Sudan
Dongola, e vendosur në një nga rajonet më të nxehta, më me diell dhe më të thata në botë, sheh 3 mijë e 814 orë diell në vit. Qyteti shtrihet në brigjet e Nilit në një klimë të nxehtë shkretëtirë. Qershori është muaji më i nxehtë i vitit, duke arritur në 43 C, dhe rekord i lartë është 49 C.
Qyteti i qetë është i famshëm për pemët e tij me palma, me hotele dhe restorante të grumbulluara kryesisht në rrugën kryesore. Vizitorët shijojnë shëtitjet përgjatë Nilit deri në rrënojat e Tempullit të lashtë të Kawa, i cili është pothuajse tërësisht i varrosur nën rërë.
5.Tucson, Arizona, Shtetet e Bashkuara
Një tjetër nga qytetet me diell të Arizonës është renditur në listën e top 10-të, me 3 mijë e 806 orë rrezet e diellit çdo vit. Me një popullsi prej më shumë se 520 mijë banorësh në 2010, Tucson është qyteti i dytë më i madh në Arizona për nga popullsia, pas Phoenix. Qyteti është shtëpia e Universitetit të Arizonës dhe është 97 km në veri të kufirit SHBA-Meksikan.
Për shkak të lartësisë që ka qyteti në krahasim me Phoenix-in, moti është gjithmonë pak më i freskët dhe më i lagësht, por klima e tij e shkretëtirës ende lejon shumë diell dhe nxehtësi, me temperatura gjatë ditës që shpesh tejkalojnë 38 C në verë.
6.Faya, Çad
Faya, ndonjëherë e njohur ende me emrin e saj post-kolonial Faya-Largeau, është oazi më i madh në Çadin verior dhe mesatarisht ka 3 mijë e 792 orë rreze dielli në vit. Qyteti ka një klimë të nxehtë shkretëtire tipike për rajonin ku ndodhet, në shkretëtirën e Saharasë.
Temperaturat mesatare të larta midis prillit dhe shtatorit arrijnë mbi 39 C, dhe qyteti ka përjetuar një rekord të lartë prej 49 C. Çdo muaj përjeton një kohëzgjatje mesatare të diellit prej më shumë se 290 orë. Shiu mund të bjerë nga qershori deri në shtator, por disa vite nuk kanë fare reshje.
