Kryeministri i Shqipërisë, Edi Rama, këtë të hënë ka nisur vizitën zyrtare në Kosovë, ku do të zhvillojë një sërë takimesh me liderë të vendit.
Presidentja e Kosovës, Vjosa Osmani, tashmë ka pritur në Presidencë kryeministrin shqiptar Rama dhe ish kryeministrin e Italisë, Massimo D’Alema.
Mediat janë lejuar të marrin pamje te pritja para objektit të Presidencës, ndërkohë që nuk është paraparë të mbahet ndonjë konferencë e përbashkët për media.
![](https://www.dukagjini.com/wp-content/uploads/2024/06/447604127_983077713025894_6981115636325040732_n-1024x768.jpg)
![](https://www.dukagjini.com/wp-content/uploads/2024/06/447623469_1451067118857515_4672370605532777684_n-1-1024x768.jpg)
Po ashtu, kryetari i Prishtinës, Përparim Rama, do të takohet me kryeministrin e Shqipërisë dhe do t’i dorëzojë çmimin “Çelësi i Qytetit”.
![](https://www.dukagjini.com/wp-content/uploads/2024/06/447710544_1127221218496841_4806802728687451422_n-1.jpg)
Kryeministri Rama do të marrë pjesë edhe në konferencën ndërkombëtare “Rugova dhe Perëndimi”, e cila shënon 25-vjetorin e çlirimit të Kosovës.
Kjo konferencë është organizuar nga Lidhja Demokratike e Kosovës dhe Fondacioni “Ibrahim Rugova”.
Ndër folësit kryesorë të konferencës do të jenë edhe Massimo D’Alema, ish-kryeministër i Italisë, dhe Jeffrey Hovenier, ambasador i ShBA-së.