Kryeministri i Shqipërisë Edi Rama ka dhënë një interviste për mediumin, FranceSoir nga Franca, ai ka thënë se gjatë periudhës së komunizmit, as nuk kishin menduar se drejtimi i Shqipërisë do të mundë të ishte rruga drejt anëtarësimit në Bashkimin Evropian(BE).
Rama ka treguar se si “Shqipëria ishte Korea e Veriut e Evropës”, sepse sipas tij , Shqipëria kishte qenë vendi më i izoluar nga vendet komuniste, sepse as me shtetet komunistet nuk kishte marrëdhënie e shkëmbime.
Tutje ai ka treguar se si Shqipëria ishte e pushtuar për 500 vjet me radhë dhe nuk kishe pasur mundësin që të zgjidhet, dhe “kjo është hera e parë që ne po bëjmë një zgjedhje të lirë. Ne duam t’i përkasim familjes Evropiane. Breza të tërë nuk e kanë njohur e pasur kurrë këtë mundësi”.
“Pas 10 vitesh, Shqipëria do të jetë në BE dhe ne do të bëjmë gjithçka për t’a arritur këtë”, ka thënë Rama.
Por ai është shprehur skeptik duke thënë se në Botë sot gjerat po ndryshojnë shumë shpejte,“pas 10 vjetësh , ndoshta do të jetë në BE, nëse BE mbetet siç është tani. Në fakt, bota sot ndryshon shumë shpejt, mjafton të shihni situatën aktuale”. Ka përfunduar ai.
Tutje ai ka treguar se ka disa faza të cilat duhet të arrihen për tu anëtarësuar në në Bashkimin Evropian.
Sipas Ramës , çelja e negociatave për Shqipërinë më 18 korrik ishte një lajm shumë i mirë për të.
Shqipëria kishte marre statusin e vendit kandidat për t’u anëtarësuar në BE në vitin 2014.