Ish-kryeinspektori i Përgjithshëm i AKI-së, Burim Ramadani, ka thënë se biseda në mes të shefes së Grupit Parlamentar të Vetëvendosjes, Mimoza Kusari-Lila dhe kryekriminelit, Millan Radojçiq, përbën kërcënim për sigurinë kombëtare të Kosovës.
Pasi, sipas Ramadnit, Kusari-Lia ka komunikuar me një të arratisur nga Kosova që ka gjetur strehë në Serbi.
“Dorëhiqu dhe rrëfehu Mimozë: pse komunikove me një të arratisur në Serbi?
Radoiçiq u bastis më 23 nëntor 2018. Pra, gati 6 vjet më parë. Ai u arratis në Serbi! Shefja e Grupit Parlamentar në pushtet, Mimoza Kusari Lila, komunikoi më shumë se një herë me një të arratisur nga drejtësia kosovare! Komunikimi me të arratisur nga drejtësia është i papranueshëm!
Cenimi i sigurisë kombëtare është i padilemë për faktin që komunikimi – madje në formë raportimi personal – i Mimozës është bërë me një të arratisur që strehë ka gjetur në Serbi. Rrjedhimisht, përbën kërcënim për sigurinë kombëtare të Kosovës”, ka shkruar Ramadani në Facebook.