Një roje në një objekt i cili ishte në ndërtim e sipër në fshatin Pasjan të Parteshit, është gjetur pa shenja jete të premten, njofton policia e Kosovës.
Sipas njoftimit, trupi i pajetë është dërguar për obduksion.
“Raportohet se viktima mashkull kosovar, punëtor roje në një objekt në ndërtim e sipër, është gjetur pa shenja jete. Vdekjen e viktimës e ka konstatuar ekipi mjekësor. Me vendim të prokurorit trupi i pajetë është dërguar për obduksion”, thuhet në njoftimin e Policisë.
Statistikat e përgjithshme të policisë
Policia e Kosovës ka njoftuar se gjatë 24 orëve të fundit ka pasur 29 aksidente trafiku me të lënduar, kurse me dëme materiale 42.
Në trafik sipas statistikave të policisë, janë shqiptuar 1615 tiketa dënuese.
Ndërkaq, janë arrestuar 29 persona.
