Inxhinieri i ndërtimit, Arim Rapuca, ka kritikuar Qeverinë Kurti për dështimin në përfundimin e projekteve të infrastrukturës rrugore, duke theksuar se qeveria e drejtuar nga Hashim Thaçi ka pasur sukses më të madh në këtë fushë.
Në Debat Plus, Rapuca vlerësoi se gjatë Qeverisë Thaçi janë shtruar më shumë rrugë, duke thënë se kjo nuk mund të mohohet.
Rapuca e vuri në pah se Qeveria Kurti ka pasur prioritetet e veta, por ngeli i paqartë pse disa projekte të mëparshme nuk janë përfunduar ende.
“Rrugë të reja janë shtruar më së shumit në qeverinë Thaçi. Këtë nuk mund e mohon askush. Mirëpo secila qeveri punon diçka. Tash sa ka arritur, krahasimet me i bë ajo është tjetër. Qeveria Kurti ka pasur prioritet tjera, nuk e di pse nuk ka arrit mi përfundu këto projektet ekzistuese. Ata arsyetohen për probleme të ndryshme rreth projekteve. Këtë mendoj që është dashtë mi kry, por ata e dinë më mirë. Në infrastrukturën rrugore nuk mendoj që kanë pasur sukses kjo qeveri”, ka thënë Rapuca.