Bordi i Transparencës ka publikuar të shtunën çmimet e reja të vendosura për karburantet, ku është vërejtur një rënie e lehtë e çmimit të naftës, benzinës dhe gazit.
Çmimet e reja do të aplikohen pasdite duke filluar në ora 18:00, sipas të cilave, gasoil ulet në 237 lekë litri nga 243 sa ishte, benzina rritet me 4 lekë dhe do të shitet për 227 lekë, ndërsa gazi nga 100 lekë ulet me 6 lekë nga vendimi i mëparshëm.
“Çmimi i shitjes me pakicë i nënproduktit gasoil i standardit SSH EN 590 të jetë 237 lekë/litri, ndërsa i shitjes me shumicë 225 lekë/litër.”
“Çmimi i shitjes me pakicë i nënproduktit benzinë e standardit SSH EN të jetë 227 lekë/litri, ndërsa i shitjes me shumicë 215 lekë/litër.”
“Çmimi i shitjes me pakicë i nënproduktit gaz, të jetë 100 lekë/litri me pakicë dhe i shitjes me shumicë 88 lekë/litër për automjetet.”
Sipas njoftimit, çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën.
Këto çmime do të jenë të vlefshme deri në mbledhjen e ardhshme të bordit, në të cilën do të pasqyrohen ndryshimet e çmimeve të shitjes.