Këngëtarja me prejardhje kosovare dhe famë botërore, Rita Ora, njihet për hitet e saj “For You” me Liam Payne , “Let You Love Me” dhe “Lonely Together” me Avicii. Por, ajo është, gjithashtu, një aktore e talentuar. Ajo është shfaqur në “Fifty Shades” si “Mia Grey” dhe së fundmi në një serial të ardhshëm “Disney”.
Tani, është zbuluar se Rita do të shfaqet në një tjetër film artistik të quajtur “Tin Soldier”, këtë herë përkrah yjeve të mëdhenj si, Jamie Foxx dhe Robert De Niro.
“Tin Soldier” u paralajmërua si film në fillim të këtij viti, në Festivalin e Filmit në Kanë, ku Robert de Niro, së bashku me Scott Eastwood (Fati i Furious) dhe John Leguizamo (John Wick) njoftuan se janë duke bërë përgaditjet e filmit.
Xhirimet kanë nisur tashmë në Greqi, dhe Rita është perkrah mega yjeve. Këtë e ka bërë të ditur vetë ajo, përmes disa postimeve në Twitter me Jamie Foxx dhe regjisorin Brad Furman.
Tin Soldier coming soon
@iamjamiefoxx @bradfurman pic.twitter.com/Aq7LPKGTIn
— Rita Ora (@RitaOra) June 7, 2022
Megjithëse detajet e rolit të Ritës nuk janë ndarë ende, tashmë është bërë e ditur se filmi është drejtuar nga Brad Furman, i cili kishte drejtuar filmin e vitit 2011 “The Lincoln Lawyer”, dhe “The Bokushi” (luajtur nga Jamie Foxx), i cili u predikon shumë veteranëve ushtarakë, të cilëve u është premtuar mbrojtje prej tij.
Duke folur për filmin, regjisori tha: “Jam i nderuar që jam pjesë e ekipit që qëndron pas një pune kaq ambicioze, të rëndësishme dhe thellësisht personale në “Tin Soldier”. Një histori origjinale për luftën, sakrificën dhe fuqinë e dashurisë dhe pranimit. Të bashkëpunosh me një kastë të këtij kalibri është përtej përuljes”.
“Frymëzimi individual që ata kanë sjellë për secilin rol është si asgjë që kam parë më parë. Ky ka qenë një udhëtim emocionues dhe shpresoj që filmi të jetë edhe më emocionues për audiencën në mbarë botën”, ka shtuar regjisori Furman.