Ambasadori gjerman në Kosovë, Jörn Rohde, ka shprehur mbështetjen e shtetit që përfaqëson ndaj Ukrainës tashmë kur janë bërë dy vjet nga agresioni rus.
“Dy vjet pas pushtimit të Ukrainës nga Rusia, sulmi ndaj lirisë sonë vazhdon. Ukraina vazhdon të luftojë me guxim kundër agresionit Rus me trajnimet dhe tanket gjermane”, ka shkruar Rohde.
Tutje ai ka thënë se Gjermania është e gatshme të ofrojë ndihmë për të mbrojtur dhe rindërtuar shtetin ukrainas.
“Për aq kohë sa duhet ne qëndrojmë me Ukrainën”, ka shkruar ai në rrjetin social “X”.
Two years after 🇷🇺‘s invasion of 🇺🇦, the attack on our freedom continues. 🇺🇦continues to bravely fight against the 🇷🇺 aggression with 🇩🇪 tanks trained by @bundeswehrInfo as part of 🇪🇺 @STC_EUMAM_UA. 🇩🇪 helps to defend, protect & rebuild. As long as it takes: we #StandWithUkraine pic.twitter.com/FexmPl6J58
— Ambassador Jörn Rohde (@GermanAmbKOS) February 24, 2024
Ndryshe, sot më 24 shkurt, bëhen dy vjet prej se Rusia e nisi pushtimin e paprovokuar dhe të jashtëligjshëm të Ukrainës.
Presidenti i Ukrainës, Volodymyr Zelensky, së fundmi i ka bërë thirrje Kongresit amerikan ta kalojë një pako prej 60 miliardë dollarësh ndihmë për vendin e tij, për t’u mbrojtur kundër forcave pushtuese të Rusisë, duke thënë se “kjo është alternativë më e lirë sesa pasojat e një fitoreje ruse”.
Dy-vjetori i pushtimit të Ukrainës, udhëheqësit perëndimorë vizitojnë Kievin