Presidentja e Kosovës, Vjosa Osmani, ka pranuar dje çmimin M100 Media Award, çmim që u jepet personaliteteve që janë të përkushtuar për forcimin e demokracisë, sundimin e ligjit, lirisë së shprehjes, lirisë së shtypit dhe mbrojtjes së vlerave europiane.
Ambasadori gjerman në Kosovë, Jorn Rohde, e ka uruar të parën e vendit.
Për këtë çmim, Rohde ka shkruar se i thekson pritshmëritë e forta për angazhim të vazhdueshëm në ruajtjen e lirisë së medias.
“Urime për presidenten Vjosa Osmani për marrjen e çmimit M100 Media në Potsdam. Ky nder jo vetëm që njeh përkushtimin tuaj ndaj lirisë së medias – një shtyllë kyçe e çdo demokracie – por gjithashtu thekson pritshmërinë e fortë për angazhim të vazhdueshëm në ruajtjen e saj,” ka shkruar Rohde në “X”.
Congratulations to @VjosaOsmaniPRKS on receiving the M100 Media Award in Potsdam
!
This honor not only recognizes your dedication to media freedom – a key pillar of every democracy – but also highlights the strong expectation of continued engagement in safeguarding it! https://t.co/Zbpbzfnv6I— Ambassador Jörn Rohde (@GermanAmbKOS) September 13, 2024