Policia e Kosovës ka njoftuar se një person është rrëmbyer dhe nën kërcënim i janë kërkuar para në Fushë Kosovë.
Kjo pasi tre të dyshuarit e kishin marrë viktimën dhe e kanë futur në veturë duke e kërcënuar.
Viktima ka pësuar lëndime, e të dyshuarit janë në mbajtje.
“Raportohet se tre të dyshuar meshkuj kosovarë kanë futur në veturë viktimën mashkull kosovar e kanë kërcënuar dhe kërkuar të holla. Viktima ka pranuar tretman mjekësor pasi që ka pësuar lëndime trupore. Me vendim te prokurorit, tre të dyshuarit pas intervistimit dërgohen në mbajtje”, thuhet në raportin e policisë.