Presidenti francez, Emmanuel Macron, është shprehur kundër një operacioni të mundshëm “masiv” të Izraelit në Gazë, në një deklaratë të bërë gjatë një vizite zyrtare në Kajro.
Ai ka shfaqur shqetësimet e tij në lidhje me pasojat potenciale të një operacioni të tillë në këtë zonë të konfliktit të gjatë, duke vlerësuar se ai do të dëmtonte civilët pa garantuar sigurinë afatgjatë të Izraelit.
Presidenti Macron, megjithatë, ka bërë të qartë se Franca njeh të drejtën e Izraelit për të mbrojtur veten.
“Në lidhje me një ndërhyrje tokësore, nëse është e qartë se është ndërmarrë për të sulmuar grupet terroriste në mënyrë ekskluzive, ky është një zgjedhje që ata kanë, por nëse është një operacion masiv që do të rrezikonte popullsinë civile, në atë rast mendoj se do të ishte një gabim për Izraelin”, ka thënë ai, raporton BBC.
Netanyahu paralajmëron për pushtim tokësor të Gazës
Kryeministri izraelit, Benjamin Netanyahu, u është drejtuar mediave nga një konferencë e drejtpërdrejtë në Tel Aviv.
Ai ka thënë se po bëjnë gjithçka që është e mundur për të siguruar kthimin e pengjeve të marra nga Hamasi.
Netanyahu kishte përsëritur se Izraeli po përgatitet për një pushtim tokësor të Gazës, por ai ka refuzuar të japë detaje mbi kohën e operacionit, duke thënë se do të arrihet me konsensus.