Rusia ka konfirmuar se një nga luftanijet e saj është dëmtuar në Detin e Zi gjatë një sulmi nga Ukraina.
Sulmi ndodhi në portin e Feodosiya në Krimenë e pushtuar nga Rusia gjatë natës të së hënës.
Ministria e Mbrojtjes ka thënë se anija e madhe ulëse Novocherkassk u godit nga aeroplanët ukrainas që mbanin raketa të drejtuara.
Një person u vra në sulm, sipas guvernatorit të Krimesë, Sergei Aksyonov, i vendosur nga Rusia, raporton BBC.
Ukraina ka thënë të martën se kishte kryer një sulm ajror në Krime që shkatërroi një anije ulëse tankesh të marinës ruse në atë që do të ishte, nëse konfirmohej, rasti i tretë i humbjeve të mëdha të pajisjeve ushtarake ruse në më pak se një javë.
Anija dyshohet se ka bartur dronë, të cilët Moska synonte t’i përdorte në luftën kundër Kievit.
“Rreth orës 02:30 [sipas kohës lokale] më 26 dhjetor, Forcat Ajrore sulmuan me raketa lundruese në zonën e Feodosias avionmbajtësin e madh, Novocherkassk, të Flotës së Detit të Zi të Federatës Ruse”, u tha në njoftimin e Forcave Ajrore ukrainase të publikuar në Telegram.
Feodosia është shtëpi e një baze të madhe detare të Gadishullin e pushtuar të Krimesë.
Në një njoftim paraprak nga autoritetet ukrainase u tha se Novocherkassk u “shkatërrua”, duke shtuar se “njerëzit thonë se po transportonte Shahed” – duke iu referuar dronëve kamikazë iranianë, që Rusia rregullisht i përdor kundër Ukrainës.
Ukraina, që po përballet me pushtimin rus që nga shkurti i vitit të kaluar, shpesh sulmon caqe në Krime, veçmas ato të ushtrisë ruse.
Në prill të vitit 2022, Kievi sulmoi luftanijen Moskva të Flotës së Detit të Zi.