Rusia nis një sulm të ri raketor para agimit në Ukrainë

Ekuipazhet e mbrojtjes ajrore të Ukrainës shkatërruan 15 nga 18 raketa të lëshuara nga forcat ruse në orët e para të mëngjesit të së hënës, kështu ka njoftuar ushtria ukrainase

Punonjësit e urgjencës po nxjerrin trupin e një viktime nga rrënojat në skenën e një sulmi me raketa ruse në një ndërtesë të lartë banimi në Uman, Ukrainë, të premten.

Rusia nuk ka të ndalur me sulmet raketore në Ukrainë, duke nisur tashmë sulmin e dytë para agimit në tre ditë.

Një person ka vdekur në rajonin Kherson, dhe 25 persona, përfshirë tre fëmijë, janë plagosur në Dnipropetrovsk.

Forcat e armatosura të Ukrainës thanë se 15 nga 18 raketat e lëshuara u shkatërruan nga mbrojtja ajrore e vendit.

Një nga objektivat kryesore ishte qyteti i Pavlohrad pranë Dnipros – një zyrtar i instaluar nga Rusia ka thënë se burimet për një ofensivë ukrainase janë goditur.

Duke shkruar në Telegram me një gjest me gishtin lart, Vladimir Rogov ka thënë se raketat synonin infrastrukturën hekurudhore dhe depot e karburantit.

Zyrtari ukrainas Serhiy Lysak postoi këtë foto nga Pavlohrad të hënën.

Nëntëmbëdhjetë blloqe apartamentesh të larta, 25 shtëpi private, gjashtë shkolla dhe kopshte dhe pesë dyqane janë dëmtuar gjithashtu.

Administrata ushtarake e Dnipropetrovsk e Ukrainës e ka përshkruar këtë si një “natë dhe mëngjes tragjik”, raporton BBC.

Diku tjetër, kreu i administratës ushtarake të qytetit të Kievit, Serhiy Popko, ka thënë se raketat u rrëzuan edhe në hapësirën ajrore të Kievit.

Raundi i fundit i sulmeve me raketa para agimit vjen vetëm disa ditë pasi 23 persona u vranë në sulmet që synonin qytetin qendror të Umanit.

Të premten, Rusia ka thënë se ushtria e saj po synonte njësitë rezervë të ushtrisë ukrainase.

Shija e redaktorit

Ushtria amerikane numër 1 në botë, FSK e fundit në...

Kosova është me fat, sepse miku më i madh i saj, Shtetet e Bashkuara të Amerikës mbeten bindshëm larg fuqia më e madhe ushtarake...

Shtëpia botuese “Dukagjini” nesër promovon librin “Aneta: një epos heroinash”...

Për të gjithë ju, dashamirë të librit, ju njoftojmë që shtëpia botuese “Dukagjini, më datë 21 shkurt, ditën e premte, në orën 18:00, në...

Rama uron Kurtin me rastin e 17-vjetorit të shpalljes së...

Kryeministri i Republikë së Kosovës, Albin Kurti ka pranuar urime nga Kryeministri i Shqipërisë, Edi Rama me rastin e 17-vjetorit të shpalljes së Pavarësisë...

Të fundit nga rubrika