Rusia ka rritur sigurinë në urën e vetme që e lidh me Krimenë, pas shpërthimit të së shtunës së 8 tetorit.
Presidenti i Rusisë, Vladimir Putin, ka urdhëruar Shërbimin Federal të Sigurisë të vendit (FSB) të mbikëqyrë kalimin kyç për në gadishullin e pushtuar.
Ura është një simbol kryesor i aneksimit rus të Krimesë nga Ukraina në vitin 2014.
Zyrtarët kanë thënë se puna për rregullimin e pjesëve të dëmtuara do të fillojë menjëherë.
Ndërkaq, zëvendëskryeministri rus, Marat Khusnullin, ka urdhëruar rrëzimin e pjesëve të shkatërruara të urës dhe ka thënë se zhytësit do të fillojnë të hetojnë dëmet poshtë vijës ujore të dielën në mëngjes të 9 tetorit.
Meqenëse ura luan një rol strategjik në luftë, autoritetet ukrainase kanë thënë se është një objektiv legjitim, pasi zotohen të rimarrin gadishullin, raporton BBC.
Presidenti Volodymyr Zelensky e ka pranuar incidentin në fjalimin e tij të natës të shtunën e 8 tetorit duke thënë, “sot nuk ishte një ditë e keqe dhe kryesisht me diell në territorin e shtetit tonë. Fatkeqësisht, ishte me vranësira në Krime. Edhe pse ishte gjithashtu e ngrohtë”.
Ura e Krimesë është një arterie jetike në zinxhirin e furnizimit të Moskës në frontin e betejës në pushtimin e saj të Ukrainës dhe në vetë territorin e aneksuar të Krimesë.