“Sabotimi politik i kthyer në dhunë”, Rama njofton për kërcënimin e ekipit për mbledhjen e mbeturinave

Në rastin e parë dy punonjës të kontraktuar janë sulmuar fizikisht, ndërsa në të dytin punonjës tjerë, po ashtu të kontraktuar, janë ndalur nga disa punonjës të Kompanisë Pastrimi dhe iu janë kërkuar letërnjoftimet dhe të dhëna tjera me qëllim të frikësimit, njofton kryetari i komunës së Prishtinës, Përparim Rama

Kryetari i Prishtinës, Përparim Rama

Kryetari i Komunës së Prishtinës, Përparim Rama, ka njoftuar se të shtunën në mbrëmje, ekipet e reja të kontraktuara për mbledhje të mbeturinave në Kryeqytet janë kërcënuar e sulmuar nga disa punonjës të Kompanisë Rajonale ‘Pastrimi’ në dy lokacione të lagjes Dardania.

Këtë, i pari i kryeqytetit e quan sabotim politik të kthyer në dhunë.

Rama thotë se lidhur me rastin organet e Policisë së Kosovës janë informuar dhe menjëherë kanë reaguar në vendin e ngjarjes.

“Sabotimi politik i kthyer në dhunë. Në rastin e parë dy punonjës të kontraktuar janë sulmuar fizikisht, ndërsa në të dytin punonjës tjerë, po ashtu të kontraktuar, janë ndalur nga disa punonjës të Kompanisë Pastrimi dhe iu janë kërkuar letërnjoftimet dhe të dhëna tjera me qëllim të frikësimit. Për këtë veprim të menjëhershëm falënderoj Policinë e Kosovës”, shkroi ai.

Rama shtoi se për më shumë se një vit siç thotë ai, sabotim të motivuar politikisht nga menaxhmenti i Kompanisë Pastrimi, Prishtina “ka qenë në llumin e mbeturinave”.

“Tani që zgjodhëm problemin, të njëjtit eksponentë eskaluan nga sabotimi në dhunë.  Dua të sigurojë qytetarët se ne nuk do të ndalemi dhe do ta bëjmë Prishtinën tonë të pastër e të gjelbër”, shtoi ai.

Shija e redaktorit

“Dukagjini Resort” te Rana e Hedhur, në fillim të rrugës...

"Dukagjini Resort" është një projekt i jashtëzakonshëm arkitekturor te Rana e Hedhur, në kilometrat e parë të rrugës së re Shëngjin-Velipojë. Resorti, puna për ndërtimin...

Distria Krasniqi shpallet për herë të tretë kampione e Evropës...

Distria Krasniqi ka shkëlqyer sërish në arenën ndërkombëtare të xhudos, duke fituar medaljen e artë në Kampionatin Evropian që po mbahet në Podgoricë të...

Kongresi Amerikan paraqet rezolutë kundër krimeve të dhunës seksuale në...

Qendra Kosovare për Rehabilitimin e të Mbijetuarve të Torturës (QKRMT), njofton se Kongresi Amerikan paraqet Rezolutën 26 – një zë i fuqishëm kundër krimeve...

Të fundit nga rubrika