Zëvendëskryesuesi i Kuvendit Komunal në Mitrovicën Veriore, Skender Sadiku, ka thënë se situata në veri të vendit ku kryetarët e kësaj pjesë të Kosovës kanë dhënë dorëheqje nuk është aq alarmante.
Sadiku ishte i ftuar në Emisionin “Five” në RTV Dukagjini ku ka folur rreth dorëheqjes së kryetarëve të komunave të Mitrovicës së Veriut, Leposaviqit, Zubin Potokut dhe Zveçanit.
Ai tha se kjo situatë nuk është alarmante sic duket pasi dorëheqjet që kanë ndodhur në këto komuna janë puro politike.
Sadiku shtoi se këto ndodhin në vende demokratike dhe mendon që edhe shteti jonë do ta kalojë këtë pasi është vend demokratik.
MAPL njofton se ka pranuar dorëheqjet e kryetarëve të katër komunave veriore
“Realisht situata nuk është edhe alarmante sic duket, dorëheqjet që kanë ndodhur në komuna janë puro politike, ka thënë Sadiku. Mendoj që demokracia e jonë do ta kalojë këtë, pasi këto dorëheqje janë procese normale” ka thënë ai.
Ndërkaq, ai tha se është më i shqetësuar për dorëheqje te policëve, gjyqtarëve dhe përfaqësuese që kanë qenë në institucione të tjera të cilat mund të ndikojnë në jetën e qytetarëve.
Ai shpreson se organet kompetente do të gjejnë mekanizmat që kjo mos të ndikoj të qytetarët.
Ai bëri të ditur se çka ka biseduar me kryeministrin, Albin Kurti, “Morëm informata të dorës së parë dhe i treguam brengat dhe hallet që kanë qytetarët nga proceset që kanë ndodhë nga komunat që vijmë”.
Sadiku tha se kryeministri Kurti tregoi mbështetjen e plotë që të ndihmojë të zgjidhin brengat dhe problemet e qytetarëve në veri të Kosovës.