Kreu i Partisë Demokratike të Shqipërisë, Sali Berisha, në një konferencë për media ka thënë se, kërcënimi më i madh për sigurinë kombëtare në akte madhore është kryeministri i Shqipërisë, Edi Rama.
“Po ju rikujtoj se pesë vite më parë në një mënyrë të pashembullt në historinë e një vendi të lirë apo jo, mediat shqiptare publikuan të gjithë organigramet e shërbimit informativ shtetëror. Deklaroi këtu se këtë e ka bërë Edi Rama”, tha Sali Berisha.
Kreu i PD-së ka thënë se kjo rrjedhë e ngjarjeve u bë nga Ministria e Financave, por kjo ministri sipas Berishës, nuk mund të kishte asnjëherë organigrame.
Berisha tha se gjatë ditëve të sotme ka një konfrontim mes NATO-s, BE-së, Rusisë së Putinit apo Rusisë dhe aleatëve të tij. Kreu i PD-së në Shqipëri ka shtuar se shërbimet ruse dhe serbe janë në bashkëpunim të ngushtë.
Berisha ka rikujtuar deklaratën e presidentit serb, Aleksandër Vuçiq, në vizitën e tij në Uashington ku deklaronte se shërbimet ruse nuk ishin njohur me tekstin e marrëveshjes që do të shërbente.
“Putini i madh e Putini i vogël, Rusia e madhe dhe Rusia e vogël janë unitet ndoshta përjetësisht i pazgjidhur”, tha mes tjerash Sali Berisha