Kryetari i SBASHK-ut, Rrahman Jashari, është deklaruar se mundësia për mos të kaluar në grevë është një dialog me Qeverinë, dhe ku do të ketë ndërmjetësues ligjor.
Ai shtoi më tutje se çështja e ligjit të pagave mbetet ende e panjohur sepse nuk ka pasur takime me njerëz kompetent për këtë çështje.
Duke analizuar protestën e 20 majit dhe duke u bazuar në ligjin për grevat, para se të shkojnë në hapin e fundit që të bëjnë protestë dhe grevë të përgjithshme, drejtuesit e SBASHK-ut kanë thënë se së pari duhet të angazhojnë një ndërmjetësues ligjor që të filloj dialogun me Qeverinë, ka thënë Jashari për EO.
Andaj, sipas Jasharit, BSPK ka dërguar një shkresë dhe që duhet të presin 15 ditë deri sa qeveria të kthej përgjigje.
“BSPK edhe në emrin tonë ka dërguar përmes këtij ndërmjetësuesi shkresë dhe duhet të presim 15 ditë që qeveria t’i thotë po këtij angazhimi ose jo”, ka thënë ai.
Kryetari i sindikatës është skeptik me gjërat që mund t’i bëjë qeveria dhe kjo e fundit mundet t’i ikë dialogut.
Sipas tij nëse përgjigja e qeverisë është jo atëherë me ligjin e grevave, çdo veprim tani e tutje është ligjor. Ndërsa nëse i thotë po dialogut, atëherë do të fillojë ky dialog, por që është e pamundur të dihet se kur mund të përfundojë.
“Nëse i thotë jo atëherë konsiderohet me ligjin e grevave se çdo veprim që e marrim tutje është ligjor”.
Jashari ka thëne se çdo veprim tash e tutje do të marrin së bashku me BSKP-në. Pas protestës së 20 majit ai thotë që, duhet të mendojmë dhe të përgatitemi për grevë të përgjithshme, nëse nuk ka përgjigje pozitive nga ana e Qeverisë. Krejt kjo do të varet brenda këtyre 15 ditësh ka thëne Jasharaj.