Petrit Selimi, ish ministër i punëve të Jashtme të Kosovës ka folur për ndikimin e mundshëm të Administratës së re amerikane në zgjedhjet e 9 shkurtit.
Ai ka thënë se tashmë fushata zgjedhore është në fazën përfundimtare të saj dhe se nuk beson se do të ketë ndonjë ndikim përveç nëse ndodh ndonjë eskalim i situatës në veri të vendit apo edhe të shpalljes së ndonjë Liste të Zezë për zyrtarë publik.
‘’Besoj se këto zgjedhje kanë mbërri në finish, kanë mbet edhe dy javë fushatë. Jashtë ndonjë zhvillimi dramatik, dramatik nëse ndodh ndiçka në veri apo përtej incidenteve taktike të vogla, në aspektin e diçkaje të ndonjë Liste të Zezë që me të vërtetë nuk pritet me ndodh. Politika e jashtë në Kosovë nuk është tema numër një e votuesëve e as e fushatave’’.
‘’Opozita është fokusu ekonomi, ekonomi, ekonomi, me çështjet që kanë të bëjnë me standardin e jetës me zhvillimin ekonomik, me koston e jetesës, rritjen e rrogave. Kështu që ndikimin e administratës Trum e cila gjithsesi se do të jetë e përfshimë në Kosovë për shkak se po e shohim zotëri Grenell i cili tash edhe zyrtarisht është i deleguar, përfaqësues special për misione të veçanta, e ka vëmendjen, po shkruan në Twitter, o tu fol me lider të opozitës….prandaj, tash mendoj që më shumë ndikimi amerikan do të shifet një minutë pas përfundimit të zgjedhjeve’’.
‘’Në aspektin e bërjes së qeverisë , drejtimit kah po shkon Kosova në qeverisje, prioriteteve kryesore në marrëdhëniet Kosovë dhe Amerikë përfshi edhe dialogun’’, ka thënë ai.
Tutje Selimi ka thënë se Trump po sjell një model të zhvillimit ekonomik, përkatësisht ekonomisë dhe politikës së jashtme.
Sipas Selimit, në këto dy javë nuk po shihet se ‘’do ta dridh’’ ndonjë deklaratë sistemin jashtë diçkafit që është e paparashikueshme në këtë moment.