Dita e Tokës është vendosur në datën 22 prill të vitit 1970. Në këtë datë 20 milionë amerikanë morën pjesë në demonstratën mjedisore nga më spektakolaret që u quajt “Dita e Tokës”.
Më 22 prill, në mbarë botën, persona që duan mjedisin organizuan një varg aktivitetesh për të mirën e tij dhe njeriut, si aktivitete pastrimi, gjelbërimi, pyllëzimi, manifestime në formë protestash, ekspozita, koncerte, vizita, peticione, orë edukative me nxënës, etj.
Me rastin e kësaj dite “Let Do It – Ta Pastrojmë Kosovën”, këtë ditë e shënon me aktivitete të shumta për pastrimin e mjedisit dhe mbjelljen e drunjve.
Kjo organizatë ka planifikuar aktivitete vullnetare për pastrimin e mjedisit në dy qytete të Kosovës, Ferizaj dhe Prishtinë, të hënën më 24 Prill 2023, dhe një aktivitet, mbjellje e drunjve në Suharekë të mërkurën më 26 Prill 2023.
“Let Do It – Ta Pastrojmë Kosovën”, u bën thirrje të gjithëve që të marrin pjesë në këto aktivitete dhe të kontribuojnë në ruajtjen dhe përmirësimin e mjedisit në Kosovë. rtk