Numri i të vdekurve në Turqi e Siri po vazhdon të rritet si pasojë e tërmetit vdekjeprurës.
Mediat ndërkombëtare raportojnë se numri i viktimave në këto dy shtete ka shkuar në mbi 300.
Shtetet e Bashkuara janë shprehur “thellësisht të shqetësuara” nga raportimet e katastrofës së shkaktuar nga tërmeti.
Presidenti i SHBA-së, Joe Biden, ka drejtuar agjencinë ndërkombëtare të zhvillimit të vendit të vlerësojë se si mund të ndihmojë.
“SHBA është thellësisht e shqetësuar nga tërmeti shkatërrues i sotëm në Turqi dhe Siri. Unë kam qenë në kontakt me zyrtarët turq për të thënë se ne jemi të gatshëm të ofrojmë çdo dhe të gjithë ndihmën e nevojshme. Ne do të vazhdojmë të monitorojmë nga afër situatën në koordinim me Turqinë”, Jake Sullivan, këshilltar i Sigurisë Kombëtare i Shtëpisë së Bardhë.
Një tërmet i fuqishëm ka goditur një zonë të gjerë në Turqinë juglindore, pranë kufirit me Sirinë, duke vrarë më shumë se 300 njerëz dhe duke bllokuar shumë të tjerë.
Në Turqi, zyrtarët konfirmuan më shumë se 76 vdekje deri më tani dhe 10 qytete u goditën, përfshirë Dijarbakirin.
Në Siri, më shumë se 230 njerëz u vranë, njoftuan mediat shtetërore.
Ministria siriane e shëndetësisë tha se të vdekur kishte në provincat e Alepo, Latakia, Hama dhe Tartus.
Ekziston frika se numri i të vdekurve do të rritet ndjeshëm në orët në vijim.