Shkon në 59 numri i të vdekurve nga zjarri në një klub nate në Maqedoninë e Veriut

Ministri i Brendshëm i Maqedonisë, Pançe Toshkovski, deklaroi se numri i viktimave nga tragjedia në Koçan është rritur në 59, ndërsa numri i të lënduarve ka arritur në 155.

Sipas Toshkovskit, njëri nga viktimat është edhe një polic, i cili ka qenë në detyrë dhe ka qenë në kontroll për përdorim të lëndëve narkotike.

Ai ka thënë se nëpër spitale ka të vdekur që duhet të identifikohen përmes autopsisë.

Në lidhje me zjarrin në diskotekën e Koçanit, për katër persona është lëshuar urdhër arresti qendror.

Zjarri shpërtheu mbrëmë dhe deri në orën 11:30, sipas informacioneve të autoriteteve, humbën jetën 59 persona, nga të cilët 35 janë identifikuar. Prej tyre, 31 janë nga Koçani dhe 4 nga Shtipi.

Ministri Toshkovski njoftoi se Ministria e Punëve të Brendshme, në koordinim me Prokurorinë Publike, po vazhdon hetimet dhe po siguron dokumentacionin lidhur me diskotekën dhe personat e lidhur me të.

Ai theksoi se në këtë moment nuk mund të japë më shumë informacion për katër personat për të cilët është lëshuar urdhër arresti.

Toshkovski ka thënë se sipas informacioneve të marra, zjarri ka shpërthyer si pasojë e mjeteve piroteknike që janë përdorur për efekt ndriçimi në koncertin e bendit ADN.

Rreth 1.500 persona është thënë se kanë marrë pjesë në koncert.

Shija e redaktorit

Për nder të 31-vjetorit të themelimit, shtëpia botuese “Dukagjini” dhuron...

E themeluar më 14 mars 1994, në kohët e vështira për librin dhe kulturën, me iniciativën e një grupi krijuesish e intelektualësh, shtëpia botuese...

Për vitin e tretë me radhë, në Kosovë u organizua...

Instituti për Promovimin e Metodës Shkencore, mbështetur nga shtëpia botuese "Dukagjini", shënuan “Festivalin e Matematikës” për të tretin vit me radhë, duke vlerësuar dhe nxitur...

Laura Fazliu stoliset me medalje të bronztë në Linz Grand...

Xhudistja kosovare, Laura Fazliu, ka fituar medaljen e bronztë në Grand Prix Upper, që po mbahet në Austri. Medalistja olimpike shënoi tri fitore në...

Të fundit nga rubrika