Ish-kryeministri i Shqipërisë dhe Kryetari i Partisë Demokratike(PD), Sali Berisha, ka thënë se “shpëtimi i Shqipërisë vijën nga Partia Demokratike”.
Berisha, këto fjalë i ka thënë gjatë një mbledhje me krerët e degëve PD në Tiranë ku shtoi se përveç PD-së më të cilën ai udhëheq dhe me partit ë tjera do ta sjellin shpëtimin e Shqipërisë.
Tutje ai ka folur dhe për protestën e shtatë korrikut ku sipas tij, ishte bërë një punë e jashtëzakonshme.
“Aspekti më i rëndësishëm i të gjitha aspekteve të tjera, të kësaj proteste ishte se për herë të parë prej vitesh, në shesh doli opozita e vërtetë dhe nëse më pyesni çfarë ishte më e rëndësishmja e më e jashtëzakonshmja, ishte opozita e vërtetë në shesh”, ka thënë Berisha.
I pari i PD-së, e ka kritikuar dhe kryeministrin e Shqipërisë Edi Rama, duke e dhënë epitetin, “armik të egër të lirisë dhe votës së shqiptarëve, i cili, pasi rrëmbeu dhe shkelmoi vullnetet e shqiptarëve dhe votat e tyre, vendosi të fshijë pluralizmin nga harta politike e vendit”.
Sipas, Berishës, përpjekje më antidemokratike, më primitive, më të turpshme, u bënë që të vendosnin nën kontroll të paligjshëm opozitën shqiptare, që ta mbajnë këtë opozitë në një vegël të qeverisë.
Ditën e 11 korrikut, ai ka deklaruar se “ose do të fitohen zgjedhjet e ardhshme ndaj Edi Ramës, ose Partia Demokratike do të shuhet”.