Është shumë e rëndësishme energjia e personit që merr që nga momenti që zgjohet në mëngjes.
Madje mund të themi se jemi vetë ne ata të cilët e caktojmë se çfarë emocioni do të na përcjellë gjatë ditës.
E rëndësishmja është që të zgjohemi me energji pozitive.
Mes ziles së alarmit që bie shpejt dhe që të streson, të nisësh ditën me këmbën e duhur nuk është e kollajtë. Por, të jesh me humor të mirë në mëngjes nuk është e pamundur, si e besoni.
Ja disa hapa sesi t’i ndihmojmë vetes në këtë aspekt.
Sapo hapni sytë, njoftimet në telefonin tuaj shumohen vazhdimisht? Ju do të keni gjithë ditën të qëndroni prapa mesazheve të Whattsapp, Facebook, Twitter dhe Instagram. Bëni një pushim nga teknologjia. Së pari, uluni në divan për 10 minuta, pa TV, radio ose telefon. Merrni frymë ngadalë dhe mos u mendoni për ndonjë gjë. Kur të filloni të lëvizni, do të jeni më produktivë.
Pas meditimit, përgatisni një mëngjes të veçantë për ju dhe të dashurit tuaj. Kur të jetë gati, uluni së bashku në tryezë. Marrja e komplimenteve për recetën tuaj do t’ju mbushë me gëzim dhe do t’ju japë motivimin për të eksperimentuar sërish në të ardhmen, duke i dhënë shtysë imagjinatës tuaj.
Tentoni ta shtyni vazhdimisht atë telefonatë të rëndësishme që duhet të bëni? Vonesa e mëtejshme nuk ndihmon. Ju mund të vazhdoni të mendoni për të gjithë mëngjesin dhe nuk do të jeni në gjendje të qëndroni të qetë dhe të përqendroheni në aktivitetet tuaja. Sapo të mbaroni mëngjesin, telefononi menjëherë. Ju do të ndjeheni më të lehtë dhe me një mendje të qartë.
Nuk është gjithmonë e mundur të prenotoni një takim në mëngjes për look-un, por ju mund të përkëdhelni veten me një vëmendje të vogël. Butësisht aplikoni një krem në fytyrën tuaj dhe zgjidhni me kujdes sesi të bëni makijazh. Nëse shikoni në pasqyrë dhe ndjeheni bukur para se të dilni, dita juaj do të jetë më e mirë.
Ndërsa përgatiteni, dëgjoni muzikën tuaj të preferuar në sfond. Ju në mënyrë të pashmangshme do të gjeni veten duke kërcyer dhe duke qeshur, duke menduar për kujtimet që ju lidhin me ato këngë. Dhe nuk ka zgjidhje më të mirë për gjendjen shpirtërore sesa një buzëqeshje e sinqertë.
A jeni gati të largoheni nga shtëpia dhe të merrni çelësat e makinës? Mendoni përsëri dhe zgjidhni një shëtitje relaksuese. Zgjidhni rrugën më të qetë, duke kaluar nëpër rrugët e ngushta ose nëpër parqet e qytetit. Kontakti me natyrën do t’ju bëjë mirë.
Nëse nuk mund të hani mëngjes në shtëpi, bëni një takim me të dashurin tuaj ose me një mik në një bar. Duke shijuar një kapuçino, një brioche dhe një lëng portokalli, do të ndiheni të karikuara për t’u përballur me punën.
Siç mund ta shihni, për të përballuar më mirë ditën, duhet shumë pak.