Në orët e para të së enjtes (3:35) me kohën në Kosovë, do të shfaqet Hëna e plotë e njohur ndryshe si Super-Hëna blu.
Kjo do të jetë Hëna e plotë më e madhja dhe më e ndritshmja e vitit, raporton Space.com.
Termi Super-Hënë i referohet një hëne të plotë kur gjendet në pikën më të afërt të Tokës derisa përshkon orbitën e saj.
Në orët e para të së enjtes Hëna do të arrijë në këtë pikë që njihet ndryshe si pika perigje.
Ndonëse, quhet si Super-Hëna blu, në të vërtetë nuk ka të bëjë lidhur me ngjyrën, por është thjesht etiketa që i jepet një Hëne të dytë të plotë në një muaj kalendarik.
Almanaku i Farmerit të Vjetër përshkruan një sekuencë prej katër superhënash të njëpasnjëshme për vitin 2023.
Dy të parat ndodhën më 3 korrik dhe 1 gusht. Pas hënës super blu më 30 gusht, superhëna përmbyllëse pritet gjatë Hënës së Korrjes më 29 shtator.
Një super hënë, e karakterizuar nga potenciali i saj për t’u dukur më e madhe dhe më e ndritshme, veçanërisht në lidhje me iluzionin e hënës, shfaqet kur hëna arrin ndriçimin e plotë njëkohësisht me afërsinë e saj me Tokën në rreth 90 përqind të pikës së saj më të afërt brenda orbitës së saj.