Raketa më e fuqishme e zhvilluar ndonjëherë e SpaceX, ka anuluar lëshimin e saj pasi ka pasur një problem presioni në fazën e parë.
SpaceX po synonte të lëshonte raketën e tij të lartë Starship, në hapësirë për herë të parë nga një strukturë private në Teksas përgjatë bregut të Gjirit.
Por me më pak se 15 minuta të mbetura në numërim mbrapsht, kompania ka njoftuar për një problem, duke shtyrë nisjen për të paktën 48 orë.
“Numërimi mbrapsht përfundoi me 10 sekonda para. Ndërsa, do të duhen të paktën 48 orë për të ricikluar gjërat përpara një përpjekjeje tjetër – do t’ju njoftojmë pasi të jetë riplanifikuar”, kështu ka njoftuar SpaceX.
Pronari i SpaceX, Elon Musk, ka thënë në Twitter se një “valvul presioni duket i ngrirë” dhe ka qenë shkaku i shtyrjes të së hënës.
E njohur si Starship, raketa është ndërtuar nga kompania SpaceX e sipërmarrësit amerikan, Musk.
Është pothuajse 120 metra e lartë dhe ka gati dyfishin e vrullit të çdo rakete tjetër në histori.
Raketa pa ekuipazh do të niset nga një bazë në Teksas të Shteteve të Bashkuara. Synimi është që ajo të fluturojë në drejtim të lindjes dhe të përfundojë një qark të globit për rreth 150 minuta.
Kjo ishte përpjekja e parë e SpaceX për të nisur një automjet Starship të montuar plotësisht, duke u mbështetur në një fushatë testimi shumëvjeçare.