Të martën e 30 gushtit ka ndodhur një sulm nga qentë endacakë në lagjen Arbëria në Prishtinë, ku një qytetar ka marrë lëndime trupore.
Pak para mesnatës deri sa ai ishte duke lëvizur në njërën nga rrugët e lagjes, është sulmuar nga një tufë prej gjashtë (6) qensh, ku pas sulmit ka kërkuar ndihmë mjekësore në Qendrën e Mjekësisë Familjare V në Dardani.
Rreth orës 00:10 minuta pas mesnatës qytetari (emër i njohur për redaksinë), derisa ka kërkuar ndihmë mjekësore është takuar me njërin nga gazetarët e redaksisë së Portalit Dukagjini, ku ka rrëfyer për sulmin.
Ky rast i sulmit nga qentë endacak në kryeqytet nuk është i vetmi.
Polica e Kosovës për Portalin Dukagjini, ka treguar statistikat e rasteve të sulmeve nga qentë endacakë në komunën e Prishtinës.
Sipas zyrës për informim në Policinë e Kosovës, në vitin 2021, ishin raportuar 89 raste të sulmeve nga qentë endacakë ndaj qytetarëve në kryeqytet.
Ndërsa statistikat për gjashtë(6) mujorin e parë të vitit 2021, Policia nuk i ka pasur, por vetëm për tre(3) mujorin e parë.
“Vetëm nga një janari i vitit 2022 deri në mars të vitit 2022, janë raportuar 42 raste” të sulmeve nga qentë endacak.
Sipas një krahasimi të thjeshtë në mes të vitit 2021 dhe 3-mujorit të parë të vitit 2022 del se sulmet e qenve endacakë ndaj qytetarëve janë në rritje.