Policia e Kosovës ka raportuar për një sulm ndaj dy zyrtarëve policorë në Gjilan.
Kjo erdhi pasi policët u goditën nga një person i gjinisë mashkullore, të cilin tentuan ta arrestonin pasi kishte urdhëresë aktive nga Gjykata.
Në raportin 24-orësh bëhet e ditur se i dyshuari e ka goditur edhe automjetin e policëve dhe është larguar në drejtim të panjohur.
Rasti vazhdon të jetë nën hetim, ndërsa në raportin e përditshëm të policisë është cilësuar si “Shkaktim i rrezikut të përgjithshëm”.
“Dy zyrtarë policorë kanë pranuar tretman mjekësor pasi që të njëjtit duke tentuar ta arrestojnë të dyshuarin mashkull kosovar i cili kishte urdhëresë aktive nga Gjykata, janë goditur nga i njëjti i cili ishte me veturë në lëvizje si dhe u ka goditur edhe automjetin dhe është larguar në drejtim të panjohur, rasti në procedurë hetimore”, thuhet në raportin 24-orësh.