Deputeti i Lëvizjes Vetëvendosje, Armend Muja, ka njoftuar se të enjten do të ketë seancë të re në Kuvendin e Kosovës.
Ai bëri të ditur se aty do të diskutohet për Ligjin e Këshillit Prokurorial të Kosovës dhe Ligjin e Komisionit të Pavarur për Media.
“Të enjten do të ketë seancë të re. Në këtë seancë do të ketë ligje të rëndësishme si ligji i Komisionit të Pavarur për Media, ligji i Këshillit Prokurorial e disa të tjerë”, deklaroi Muja.
Po ashtu, Muja foli edhe për dialogun Kosovë – Serbi dhe kushtet e Kosovës.
“Kosova duhet të jetë e gatshme ta inkorporojë nën një letrën e Mogherinit, ashtu që është e datës 25 korrik 2015, mënyra se si Evropa e ka parë Asociacionit, e dyta është me 29 janar 2023, letra e Chollet dhe Escobar, mënyra se si Amerika e sheh Asociacionin. Dhe aktjgykimi i Kushtetueses. Mungesa e kompetencave, heqja e elementeve njëetnike, dhe niveli I tretë I qeverisjes nuk vlen”, tha ai.
Muja tha se pret të hiqen masat ndëshkuese ndaj Kosovës dhe se Serbisë t’i bëhet më shumë presion për zbatimin e obligimeve të saja.