Një person është arrestuar të martën e nëntë majit, pasi dyshohet se pas një mosmarrëveshjeje e ka sulmuar fizikisht viktimën e më pas ka shtënë me armë zjarri.
Rasti raportohet të ketë ndodhur në Mazgit të ulët, në Obiliq, dhe i njëjti në raportin 24-orësh të Policisë së Kosovës është cilësuar si “përdorim i armës apo mjetit të rrezikshëm”.
“Është arrestuar i dyshuari mashkull kosovar nën dyshimin se pas një mosmarrëveshje e ka sulmuar fizikisht viktimën mashkull kosovar e me pas edhe ka shtënë me armë zjarri”, thuhet në raport.
Sipas njoftimit, njësitë relevante policore kanë dalë në vendin e ngjarjes, kanë kryer edhe kontroll në shtëpinë e të dyshuarit, por nuk është gjetur asgjë e dyshuar.
Viktima ka pranuar tretman mjekësor.
Ndërkaq, me vendim të prokurorit, i dyshuari është dërguar në mbajtje.