Ministria e Shëndetësisë, për shkak të temperaturave të larta, ka marrë vendim që të kufizohet orari i punës nga nesër deri më 20 korrik për disa kategori.
Nga kjo datë lirohen nga puna gratë shtatzëna, ndërsa qytetarët me sëmundje kronike punojnë me orar të shkurtuar deri në 4 orë në ditë.
Po ashtu, ndalohet puna në sektorin e ndërtimtarisë në ambiente të hapura gjatë orarit 11:00 – 17:00.
MSh-ja thotë tutje se varësisht prej temperaturave që mbizotërojnë gjatë muajit korrik dhe gusht, do të ndërmerren edhe masa të tjera.
Njoftimi i plotë:
“Në bazë të rekomandimeve të Institutit Kombëtar të Shëndetësisë Publike të Kosovës, për shkak të rritjes së konsiderueshme të temperaturave në ditët në vijim, me qëllim të mbrojtjes së shëndetit të qytetarëve, Ministria e Shëndetësisë merr vendim që të kufizohet orari i punës nga data 13.07.2024 deri më 20.07.2024 për këto kategori”.
- Nga data 13.07.2024 deri më 20.07.2024 lirohen nga puna gratë shtatzëna.
- Në rast të pamundësisë së lirimit nga puna sipas paragrafit 1 të këtij vendimi, gratë shtatzëna punojnë nga shtëpitë.
- Nga data 13.07.2024 deri më 20.07.2024 qytetarët me sëmundje kronike punojnë me orar të shkurtuar deri në 4 orë në ditë.
- Nga data 13.07.2024 deri më 20.07.2024 ndalohet puna në sektorin e ndërtimtarisë në ambiente të hapura gjatë orarit 11:00 – 17:00 në të gjithë territorin e Republikës së Kosovës.
