Deputeti Flamur Noka ka goditur me shishe uji në Kuvend Taulant Ballën, teksa ky i fundit po fliste nga vendi.
Balla po i përgjigjej Sali Berishës për akuzat e këtij të fundit, ndërsa në ato momente Noka iu afrua me shpejtësi duke e goditur me shishe.
U desh ndërhyrja e Gardës për të tërhequr Nokën, ndërsa kryetarja e Kuvendit Elisa Spiropali ndërpreu seancën dhe e përjashtoi Nokën nga Kuvendi.
“O Sali dëgjo këtu dëgjo. Llogaritë që bëre për Veliajn janë dyshime. Jepi përgjigje popullit ku i ke gjetur ti, ku i paguar 500 mijë euro në Londër te zyra avokatore që mbrojnë kriminelët serbë kundër UCK. Thuaji içik shqiptarëve meqë akuzon Ulsiun. Apo tu kujtuan 500 mijë eurot e tua dhe i the Ulsiut. PS ka vendosur të ketë standard, çdo person që përballet me drejtësinë avokatin duhet ta paguajë vetë”-ishte fjala e Ballës.
“Nuk mund ta merrni fjalën, nuk mund të godisni me mjete të forta është e turpshme, lista po e merrte fjalën sipas radhës, nëse doni sherr , s’mund të vazhdojë më kalojmë në proces votimi”-u shpreh Spiropali para se të ndërpriste seancën, raporton TopChanal.
Tensione në Parlament, opozita bllokon foltoren, deputeti i PD heq rripin
Deputetët e opozitës bllokuan foltoren gjatë seancë së sotme në Kuvendin e Shqipërisë në momentin që fjalën e ka marrë Taulant Balla.
Debati ka nisur për procedurë por opozita refuzoi që Taulant Balla të flasë para deputetëve opozitarë.
Në një moment të përplasjes deputeti i PD Petrit Doda është parë të heqë rripin e pantallonave dhe ka tentuar të godasë Ballën.
Pranë foltores kanë shkuar edhe punonjësit e Gardës të cilët janë përpjekur të qetësojnë situatën.
