Tensione ka pasur të enjten përpara Kuvendit të Shqipërisë, ku deputetët e përjashtuar të opozitës tentuan të hyjnë me forcë.
Ata u paraqitën me një slogan në duar që thoshte: “Edi Rama Mafia.”
Përplasje ndodhën mes deputetëve dhe efektivëve të gardës në hyrje të Kuvendit, i cili ishte rrethuar me gardh metalik për të parandaluar hyrjen e opozitarëve.
Ndërkohë, brenda në seancën plenare, deputetët opozitarë që ishin të pranishëm grumbulluan karrige te foltorja në shenjë proteste.
Një incident ndodhi kur deputetja e Partisë Demokratike, Elda Hoti, u përjashtua nga seanca pasi u akuzua se hodhi lëndë të dyshimtë.
Ajo e mohoi akuzën dhe sqaroi se ishte një aromatizues, duke bërë thirrje që prokuroria të verifikojë ngjarjen.