Një person është arrestuar të mërkurën e tre majit, pasi i njëjti dyshohet se ka goditur me mjet të mprehtë një të mitur.
Rasti raportohet të ketë ndodhur në Gjilan, dhe i njëjti është cilësuar si vrasje në tentativë.
Në raportin 24-orësh të Policisë së Kosovës thuhet se viktima ka pranuar trajtim mjekësor në spitalin rajonal të Gjilanit e më pas është dërguar në Qendrën Klinike Universitare të Kosovës në Prishtinë.
Ndërkaq, me vendim të prokurorit, i dyshuari është dërguar në mbajtje.
“Është arrestuar i dyshuari mashkull kosovar, i moshës së mitur, pasi i njëjti pas një mosmarrëveshjeje ka goditur me një mjet të mprehtë-thikë viktimën mashkull kosovar të moshës së mitur. Viktima ndihmën e parë e ka pranuar në Spitalin Rajonal të Gjilanit dhe më pas është dërguar në QKUK, Prishtinë. Me vendim të prokurorit, i dyshuari dërgohet në mbajtje”, thuhet në raport.