Në magjistralen Ferizaj-Gjilan është arrestuar një person.
I dyshuari shtetas i Maqedonisë së Veriut nuk ka përfillur urdhrat e personit zyrtar dhe ka tentuar edhe ta sulmojë fizikisht zyrtarin policor.
Sipas raportit të policisë, i dyshuari ishte nën ndikim të alkoolit.
“I dyshuari pasi është sjellë ne stacion policor, i është bërë matja e alkool testit dhe ka rezultuar prezenca e alkoolit dhe të njëjtit i është ofruar ndihma mjekësore. Me vendim të prokurorit, i dyshuari dërgohet në mbajtje,” thuhet në raportin e Policisë së Kosovës.