Detyrim e ka që pasagjerët t’i dërgoj në Obiliq.
Ky vozitës i autobusit sot është mllefosur ngase dy drejtime të udhëtimeve i kanë humbur shkaku i testimit që ka bërë të premten Komuna e Prishtinës të qarkores njëkahore.
“Përditë u kanë problem por si sot nuk u kanë kurrë, dy turra m’kanë hup sot, skena mujt me i majt hiç, veti udhëtarët qe sa jena tu pritë, qe një orë jena në kolonë”, ka thënë Selmani.
E një qytetari tjetër e ka humbur një takim mjaftë i rëndësishëm.
“M’ka shkaktu shumë probleme qe një orë jam në rrugë prej bregut të diellit. Kom pas me shku në Fushë Kosovë qe s’muj me mrri në vakt ka me me humb takimi kam me Bashkësinë Evropiane me Italian dhe pastaj dal jo korrekt”, ka theksuar Rexhepi.
Por, pas kësaj tollovie qëndron kjo qetësi nga sheshi i Prishtinës deri tek Katedralja “Nëna Terezë”, që gjithashtu po planifikohet të shndërrohet në hapësirë vetëm për këmbësorë.
Mesa duket këtë hapësirë po e shijojnë mjaftë qytetarët.
“Mirë boll po bëjnë prova, tu mundu me gjet zgjidhjen e komunikacionit sepse tollovi e madhe”, ka potencuar Miftari.
Diçka pozitive në gjithë këtë situatë po sheh edhe Zymer Maxharaj.
“Sot një javë kjo situatë ka me qenë krejt situatë normale d.m.th. jemi mësu na për pak metra jemi msu na me vozitë kerrin kështu që mësohemi shpejtë”, ka deklaruar Maxharraj.
Për situatën foli edhe i pari i Prishtinës. Ai tregoi arsyet se pse ky testim është bërë të premten.
“Normal që duhet me testu edhe në ditët e punës, kjo na tregon pikat që krijojnë probleme që duhet me ndryshu, me u transformu për me kriju një komunikim më të shlirshëm për Kryeqytetin”, ka theskuar Rama.
Ky testim do të zgjasë edhe dy ditë të tjera gjatë fundjavës derisa Komuna me një vendim përfundimtar për këtë do të dal gjatë nëntorit.