Ministrja e Drejtësisë, Albulena Haxhiu, ka reaguar ndaj vendimit për të mos i dhënë ish-presidentit të Kosovës, Hashim Thaçi, leje për të marrë pjesë në ceremoninë e varrimit të babait të tij.
Haxhiu e cilësoi këtë vendim si të padrejtë dhe të papranueshëm.
“Proceset gjyqësore duhet të jenë të drejta e të bazuara mbi respektimin e të drejtave më elementare njerëzore. Nuk ka gjë më njerëzore sesa të marrësh pjesë në varrimin e prindit. Andaj, krejt absurde nga ajo që kuptuam nga mediat se ish-presidentit Thaçi nuk i është dhënë leja për të marrë pjesë në ceremoninë e varrimit të babës.
Lidhur me këtë vendim të padrejtë do t’i shkruaj kryetares së Dhomave të Specializuara”, ka shkruar Haxhiu në Facebook.