Kryetari i Partisë Demokratike Shqiptare, Menduh Thaçi ka thënë nuk mund ta akuzojnë atë për lista të zeza persona që kanë qasje familjare në “korrupsion masiv”.
Thaçi ka treguar se si kryetari i Lëvizjes Demokratike në Maqedoni të Veriut, Izet Mexhiti, – që është pjesë e opozitës shqiptare, VLEN – i ka “kërkuar” të ndërhyjë një një rast ‘të korrupsionit masiv”.
“Opozitën në këto zgjedhje e kam të rrejshme. Izeti i ngatërron gjërat, ai ka qef të më lidh me lista të zeza në këto listat modern për korrupsion, kjo është e qartë. Babai i Izet Mexhitit, është i arrestuar në vitin 2007 për korrupsion masiv. Izeti erdhi te unë t’i them Sasho Mijallkovit dhe Gruevskit t’i them të bëjnë diçka. Kryetari i Komunës së Cairit, Visar Ganiu, ka kërkuar ndihmë për bashkëshorten e tij për shkak të diplomës fallco”, ka deklaruar Thaçi.
Thaçi iu ka përgjigjur edhe kritikave se ka bërë koalicion me BDI-në e Ali Ahmeti, duke thënë se se PDSh-ja dy herë e ka përkrahur BDI-në zgjedhje lokale.
Prandaj sipas Thaçit, bashkëpunimi i partisë së tij me Frontin Evropian është i duhuri.
“Kam pritur që kritikohem për koalicionin tonë me BDI-në, me Frontin Evropian. Mirëpo kësi bashkëpunime ka pasur edhe në Gjermani, edhe në Greqi edhe në Kosovë. PDSH-ja dy herë në zgjedhje lokale e ka mbështetur BDI-në, ka qenë përkrahje e hapur dhe transparente. Kjo PDSH është vendimmarrëse në këto qeveri, sepse ju e dini që kur u bë numri 60, u bënë 61. Pas zgjedhjeve presidenciale pres që te fillojmë t’i nxjerrim ato programet parlamentare, ta diskutojmë çështjen e kushtetutës, të diskutojmë për ekonomi, të diskutojmë për oferta konkrete e jo gjithmonë për tema për tërë Ballkanin”, ka thënë Thaçi.