Trafiku Urban në Prishtinë ka bërë të ditur se gratë dhe vajzat, të shtunën, do të mund të udhëtojnë pa pagesë në transportin publik.
Një vendim i tillë, erdhi për nder të “Prishtina Rozë” dhe me qëllim që të inkurajohen të gjitha gratë dhe vajzat për kontrollin e kancerit të gjirit, të parandalojnë atë me kohë.
“Për nder të “Prishtina Rozë” më datën 29.10.2022 lirohen nga pagesa e biletës e gjithë personat e gjinisë femërore në transportin publik të N.P.K “Trafiku Urban” SH.A. Të festojmë për të mbijetuarat dhe në të njëjtën kohë të inkurajojmë të gjitha që të ndërmerren veprime për vetëdijesimin dhe parandalimin e kancerit të gjirit!”, thuhet në njoftimin e Trafikut Urban, në faqen zyrtare në Facebook.