Polumbarët kanë mundur që të gjejnë trupin e pajetë të fëmijës së dytë që u mbyt bashkë me nënën në lumin Buna.
Ngjarja ndodhi katër ditë më parë, kur nëna Alma Arrazi bashkë me tre fëmijët dyshohet se u hodh nga ura.
Të dielën autoritetet mundën të gjejnë trupin e vajzës 9-vjeçare, e cila u pikas në ujërat e lumit Buna nga një peshkatar i rastit. Trupi i saj i pajetë u përcoll këtë të hënë për në banesën e fundit.
Në lidhje me ngjarjen është vënë në pranga Erdgys Arrazi, i cili dyshohet se e shtyu drejt vetëvrasjes gruan dhe 3 fëmijët e tij./tvklan.al