Trajneri i Celtics Ime Udoka pezullohet për sezonin 2022-23

Ekipi Boston Celtics ka bërë të ditur se trajneri Ime Udoka shkeli "politikat e papërcaktuara" të ekipit. Me këtë ai është peuzlluar nga ekipi për sezonin 2022-23

Trajneri i Celtics Ime Udoka

Boston Celtics të enjten ka pezulluar trajnerin Ime Udoka për sezonin 2022-23 për “shkelje të paspecifikuara të politikave të ekipit”, vetëm disa muaj pasi ai e udhëhoqi ekipin në finalet e NBA-së në vitin e tij të parë në këtë rol.

Një person i informuar për këtë çështje, i cili nuk ishte i autorizuar të fliste publikisht për këtë, tha se Udoka kishte një marrëdhënie të papërshtatshme me një punonjëse femër të ekipit që konsiderohej shkelje e udhëzimeve organizative të ekipit.

Celtics nuk kanë thënë se kush do ta zërë postin e Udokës gjatë pezullimit të tij. Në një deklaratë që shpalli dënimin, ekipi tha se një vendim për të ardhmen e Udokës në Boston do të “merret në një datë të mëvonshme”. Wyc Grousbeck, pronari i shumicës së Celtics, nuk pranoi të komentojë. Një zëdhënës i Celtics gjithashtu nuk pranoi të komentojë.

Lajmi për një pezullim të mundshëm për Udokën u raportua fillimisht të mërkurën vonë. Raportet shkaktuan një debat, me shumë njerëz në mediat sociale që postuan emrat dhe fotot e grave që punojnë për Celtics dhe spekuluan nëse ato ishin të përfshira në këtë situatë, shkruan The New York Times.

Në një deklaratë për ESPN, Udoka tha se e pranoi vendimin e ekipit. “Dua t’u kërkoj falje lojtarëve tanë, tifozëve, organizatës Celtics dhe familjes sime që i zhgënjeu ata. Më vjen keq që e vura ekipin në këtë situatë të vështirë”.

Ai ka thënë se nuk do të kishte komente të tjera rreth këtij vendimi.

Shija e redaktorit

Ushtria amerikane numër 1 në botë, FSK e fundit në...

Kosova është me fat, sepse miku më i madh i saj, Shtetet e Bashkuara të Amerikës mbeten bindshëm larg fuqia më e madhe ushtarake...

Shtëpia botuese “Dukagjini” nesër promovon librin “Aneta: një epos heroinash”...

Për të gjithë ju, dashamirë të librit, ju njoftojmë që shtëpia botuese “Dukagjini, më datë 21 shkurt, ditën e premte, në orën 18:00, në...

Rama uron Kurtin me rastin e 17-vjetorit të shpalljes së...

Kryeministri i Republikë së Kosovës, Albin Kurti ka pranuar urime nga Kryeministri i Shqipërisë, Edi Rama me rastin e 17-vjetorit të shpalljes së Pavarësisë...

Të fundit nga rubrika