Tyson Fury më në fund do të rikthehet në ring këtë mbrëmje kur do të përballet me ish-kampionin e UFC-së, Francis Ngannou në një ndeshje historike në Arabinë Saudite.
Fury do të përballet me ish superyllin e peshave të rënda të UFC-së, Ngannou, sipas rregullave të boksit profesionist në një meç që cilësohet si “beteja e më të fortëve”.
Fury, 35 vjeç, mbretëron si kampion i peshave të rënda në WBC, por nuk ka luftuar apo mbrojtur titullin e tij që nga dhjetori, kur mundi Derek Chisora-n për herë të tretë për të qëndruar i pamposhtur, shkruan TheIndependent.
Gara do të luhet në 10 raunde dhe do të llogaritet si një ndeshje zyrtare, por titulli botëror i Fury-t nuk do të jetë në linjë.
Megjithatë, fituesi i meçit do të largohet me rripin e ri të “Kampionatit Përkujtimor të Riadit” të WBC.
Fury më në fund do të përballet me Usyk në Arabinë Saudite më vonë këtë dimër për të kurorëzuar kampionin e parë të padiskutueshëm të peshave të rënda që nga viti 1999.
Dueli pritet të fillojë rreth orës 23:00 dhe mund ta ndiqni live duke klikuar këtu.