Policia e Kosovës ka njoftuar se gjatë patrullimit ka hasur në Vushtrri në një burrë që po qëndronte duke mbajtur me forcë një të mitur.
Siç bëhet e ditur në raportin 24-orësh, burri dhe e mitura janë shoqëruar në stacionin e Policisë dhe gjatë intervistimit kanë pranuar se me dëshirë kanë kryer marrëdhënie seksuale.
Rasti është iniciuar si “Dhunim”.
Me vendim të prokurorit, i dyshuari është arrestuar dhe është dërguar në mbajtje.
“Policia gjatë patrullimit kanë takuar duke qëndruar në rrugë të dyshuarin mashkull kosovar, i cili ishte duke mbajtur me forcë viktimë femër kosovare të mitur. Të njëjtit janë shoqëruar në NJHP-Prishtinë dhe gjatë intervistimit kanë pranuar se me dëshirën e dy palëve kanë kryer marrëdhënie seksuale. Me vendim të prokurorit, i dyshuari është arrestuar dhe dërguar në mbajtje”, thuhet në raportin e PK-së.