Edhe dita e shtunë e 6 gushtit është dominuar nga masat e nxehta afrikane, ndërsa të dielën e 7 gushtit pritet të depërtojnë masa më të freskëta ajrore, duke sjellë destabilizim të motit.
Nën këto kushte, moti parashikohet me diell dhe vranësira, të cilat gjatë orëve të pasditës pritet të marrin karakter zhvillimi dhe të gjenerojnë rrebeshe lokale shiu e shkarkesa rrufesh.
Sipas Meteo Kosova, temperaturat minimale do të sillen prej 16 deri në 20°C, ndërsa ato maksimale prej 29 deri në 33°C.
Era do të fryjë nga kuadrati i veriut dhe verilindjes, e cila kohë pas kohe pritet të jetë e fuqishme, me shpejtësi 15-50 km/h!
Nga java e ardhshme pritet paqëndrueshmëri më e madhe në kushtet e motit, duke u karakterizuar me diell dhe vranësira, ku kohë pas kohe priten rrebeshe lokale shiu, shkarkesa rrufesh e breshër.
Njëkohësisht edhe temperaturat do të pësojnë ulje të ndjeshme, sidomos nga dita e martë e 9 gushtit, duke bërë që maksimalet në pjesën dërrmuese të vendit të jenë për disa gradë nën vlerën 30°C.
Reshjet do të jenë të karakterit lokal, megjithatë gjasat për reshje do të jenë pothuajse në gjithë javën.