Forca e Mbrojtjes së Izraelit (IDF) ka konfirmuar se dy fëmijët Ariel dhe Kfir Bibas, të cilët u morën peng në Gaza më 7 tetor 2023, u vranë brutalisht nga terroristët e Hamasit.
Ariel, katër vjeç, dhe Kfir, vetëm 10 muajsh, ishin ndarë nga nëna e tyre Shiri, e cila gjithashtu u mor peng gjatë asaj periudhe.
Sipas IDF, këto fëmijë të pafajshëm nuk humbën jetën nga një sulm ajror, siç kishte pretenduar Hamasin, por u vranë në mënyrë brutale nga terroristët që i mbajtën të robërua. IDF ka ndarë gjetjet e saj me partnerët ndërkombëtarë për verifikim të pavarur.
“Ne mund të konfirmojmë se foshnja Kfir Bibas, vetëm 10 muajsh, dhe vëllai i tij më i madh Ariel, katër vjeç, u vranë të dy brutalisht nga terroristët ndërsa mbaheshin peng në Gaza jo më vonë se nëntori 2023.
Këta dy fëmijë të pafajshëm u morën peng të gjallë, së bashku me nënën e tyre, Shiri, nga shtëpia e tyre më 7 tetor 2023.
Në kundërshtim me gënjeshtrat e Hamasit, Ariel dhe Kfir nuk u vranë në një sulm ajror. Ariel dhe Kfir Bibas u vranë me gjakftohtësi nga terroristët. Terroristët nuk i qëlluan dy djemtë e rinj – ata i vranë me duart e tyre. Më pas, ata kryen akte të tmerrshme për të mbuluar këto mizori.
Ky vlerësim bazohet si në gjetjet e mjekësisë ligjore, nga procesi i identifikimit, ashtu edhe në inteligjencën që mbështet këto gjetje.
Ne i kemi ndarë këto gjetje, inteligjencë dhe mjekësi ligjore me partnerët tanë në mbarë botën, në mënyrë që ata të mund ta verifikojnë atë”, ka thënë zëdhënësi i Forcave të Mbrojtjes të Izraelit (IDF) Daniel Hagari.