Është shtëpi e vetme që gjendet goxha thellë në një mal në fshatin Drobnjak të Komunës së Zubin Potokut.
Por,Policia e Kosovës pikërisht në të dyshoj, se mund të ketë diçka ilegale.
E bëhet fjalë për hiç më pak se armë.
Të njëjtit në aksion, morën me vete edhe zyrtarë të EULEX-it.
Aksioni që filloi diku rreth orës 14:00 vazhdoi deri në orët e pasdites.
Policia e Kosovës vazhdonte kontrollet.
Aty prezent ishte edhe vet zv.drejtori i Policisë për Rajonin e Mitrovicës, por që nuk qëndroi edhe gjatë dhe nuk pranoi të jap informata në lidhje me aksionin.
Nga vendi i ngjarjes filluan të largohen një nga një rreth orës 16:00.
“Para 10 minuta Policia e Kosovës ka përfunduar një aksion që dyshohet të jenë gjetur armë, këtë nuk e ka konfirmuar ende as Policia e Kosovës.”
Këtë e konfirmoj me anë të një komunikate për media, ku tregoi edhe se çka kanë gjetur, e sipas pamjeve të publikuara nga ta armatimi u gjet në një bure.
Dëshmitë të cilat janë gjetur dhe janë marrë nga Policia janë: – Uniformë ushtarake – Pjesë të pushkëve të gjata – Jelek taktik – Gas maska- Një tytë e pistoletës, – Një palë pranga dhe – 1471 fishekë të kalibrave të ndryshëm.
Këto aksione eksperti i sigurisë Arben Dashevci nuk i sheh si diçka serioze vetëm si vazhdimësi e shtrirjes së plotë të kontrollit në këtë zonë.
Arben Dashevci, Njohës i fushës së sigurisë tha se “ Sepse po i zbulon edhe ato copëzat e mbetura në Kosovë, duke pasur parasysh sulmin e Banjskës. Tani është bashkëpunimi i qytetarëve dhe Policisë së Kosovës”.
Policia po vazhdon që me ketë kontrolle t’i largoj edhe mbetjet e fundit të armëve dhe rrezikut që në këtë zonë është shfaqur më herët.
Kurse, pikërisht në Zubin Potok, KFOR një ditë më parë ka ndalur një kontrabandë me dele, pije alkoolike de jo alkoolike.