Të shtunën ka vdekur ish-kryetari i Rahovecit, Qazim Qeska.
Këtë e ka bërë të ditur kryetari aktual i komunës së Rahovecit, Smajl Latifi.
Latifi ka shprehur ngushëllime për vdekjen e Qeskës teksa ka thënë se ai ka dhënë kontribut të çmuar për disa dekada në proceset politike, ekonomike dhe shoqërore në Rahovec.
“Ishte ndër juristët më të mirë në komunën e Rahovecit dhe me përvojën e dijet juridike, ndikoi pozitivisht në konsolidimin e sistemit juridik. Si kryetar i Komunës së Rahovecit dha kontributin e tij në paqësimin ndërmjet grupeve politike, duke i kontribuuar konsolidimit të demokracisë vendore. Me urtësinë e durimin që e karakterizonte, u bë shëmbëlltyrë për gjeneratat e reja. Në këtë moment dhimbjeje e pikëllimi, në emër të qytetarëve të komunës së Rahovecit dhe në emër timin, familjes Qeska, farefisit, miqve dhe bashkëpunëtorëve të tij, u shpreh ngushëllime të thella dhe më të sinqerta! Do të kujtohet me respekt si njeri me virtyte morale e vlera të larta njerëzore”, ka shkruar Latifi në Facebook.